کراچی (کھوج نیوز) کیس نمبر 9 کے رائٹر اینکر پرسن شاہزیب خانزادہ کی اہلیہ رشنا خان کی ڈرامہ سیریل میں انٹری کیسے ہوئی؟ اس حوالے سے تمام تر تفصیلات سامنے آگئی ہیں۔
تفصیلات کے مطابق اداکارہ رشنا خان نے کہا ایک دن مجھے پروڈکشن ہاس سے فون آیا اور مجھے بتایا گیا کہ میں اس کردار کے لیے منتخب ہوئی ہوں، تو مجھے سن کر بے حد خوشی ہوئی۔ رشنا خان نے کہا کہ یہ ایک ڈریم پروجیکٹ تھا، ناصرف میرے لیے بلکہ ہر اداکار کے لیے، کیونکہ ایسے موضوعات پر بہت کم ڈرامے بنتے ہیں۔
انہوں نے کہا کہ بڑے بڑے اداکاروں کے ساتھ کام کرکے بالکل ایسا نہیں لگا کہ میں جونیئر اور وہ لوگ سینئر ہیں، ڈرامے میں میرے زیادہ تر سین فیصل قریشی کے فلمائے گئے، اور ان کے ساتھ کام کر کے مجھے بہت اچھا محسوس ہوا۔ اداکارہ نے مزید کہا کہ فیصل قریشی، صبا قمر، آمنہ شیخ اور نوین وقار جیسے اداکاروں سے بہت کچھ سیکھنے کو ملا۔
