بیجنگ (شوبز ڈیسک) بالی کے ووڈ کے دبنگ خان عرف سلمان خان کی نئی آنے والی فلم ”بیٹل آف گلوان” کا ٹیزر جاری ہوتے ہی چین میڈیا نے ان کو آڑے ہاتھوں لے لیا ہے۔
انٹرنیشنل میڈیا کے مطابق سلمان خان کی آنے والی فلم بیٹل آف گلوان کا ٹیزر 27 دسمبر کو جاری کیا گیا۔ فلم میں سلمان خان کو بھارتی فوجی افسر کے کردار میں دکھایا گیا ہے۔ یہ فلم 2020ء میں بھارت اور چین کے درمیان گلوان وادی میں ہونے والی سرحدی جھڑپوں پر مبنی ہے۔ ان جھڑپوں کے بعد بھارت اور چین کے درمیان کشیدگی میں اضافہ ہوا، جس کے نتیجے میں لائن آف ایکچوئل کنٹرول (LAC) کے قریب فوجی تعیناتی، سرحدی نگرانی اور دیگر دفاعی اقدامات کیے گئے۔
فلم کا ٹیزر سلمان خان کی سالگرہ کے موقع پر جاری کیا گیا، جسے انہوں نے اپنے انسٹاگرام اکاؤنٹ پر بھی شیئر کیا تاہم چین کے سرکاری میڈیا ادارے گلوبل ٹائمز نے سلمان خان کی فلم پر شدید تنقید کرتے ہوئے الزام عائد کیا ہے کہ یہ فلم حقائق کو توڑ مروڑ کر پیش کر رہی ہے۔ میڈیا کے مطابق، چینی ماہرین کا کہنا ہے کہ چاہے کوئی فلم یا ڈراما کتنا ہی مبالغہ آمیز کیوں نہ ہو، اس سے کسی ملک کی سرزمین پر کوئی اثر نہیں پڑتا۔
