لاہور میں سکولوں کا ٹائم تبدیل، نئے اوقات کا نوٹیفکیشن جاری

لاہور(کھوج نیوز) لاہور میں سکولوں کے ٹائم کو ایک بار پھر تبدیل کر دیا گیا ہے اور محکمہ تعلیم نے نئے اوقات کا نوٹیفکیشن بھی جاری کر دیا ہے جس کے بعد بچوں نے چپ سادھ لی ہے۔

تفصیلات کے مطابق محکمہ تعلیم کی جانب سے جاری نوٹیفکیشن کے مطابق اسکولوں کے نئے اوقات یکم فروری سے 15 اپریل تک نافذ رہیں گے۔ بوائز اسکول صبح 8.30 سے دوپہر ڈھائی تک کھلے رہیں گے،گرلز اسکول صبح سوا 8 سے دوپہر سوا دوبجے تک کھلے رہیں گے۔ نوٹیفکیشن کے مطابق جمعیکو بوائز اسکول سوا 12 اور گرلز اسکول دوپہر 12 بجے بند ہوں گے۔ ڈبل شفٹ والے اسکول پہلی شفٹ میں صبح پونے 8 سے دوپہر سوا بارہ تک کھلیں گے، سیکنڈ شفٹ کے اسکول دوپہرساڑھے 12 سے شام 5 بجے تک کھلیں گے۔ جمعے کو سیکنڈ شفٹ دوپہر 2 بجے سے شام ساڑھے پانچ بجے تک ہوگی۔