پنجاب :گھوڑا اسپتال سے ایم بی اے کی ڈگری،سرکاری کالجزاوریونیورسٹیوں کا نیا دھندہ

لاہور(کھوج نیوز)پنجاب گھوڑا اسپتال سے ایم بی اے کی ڈگری،سرکاری کالجزاوریونیورسٹیوں کا نیا دھندہ عروج پر پہنچ گیا ۔رپورٹ کے مطابق پنجاب کے اعلیٰ سرکاری کالجز اور یونیورسٹیوں کا نیا دھندہ اوراسکینڈل منظرعام پر آگئے،تفصیلات کے مطابق نیشنل یونیورسٹی آف سائنس اینڈ ٹیکنالوجی NUST نے ماس کمیونیکیشن کا شعبہ کھولا ہوا ہے. بزنس اور اکنامکس کی ایک یونیورسٹی اردو میں ایم فل وغیرہ کرارہی ہے.یونیورسٹی آف ایجوکیشن نے ایجوکیشن سے بہت دور کے ایسے درجن بھر دوسرے مضمون شروع کردئیے ہیں جن کا متعلقہ نصاب سے کوئی تعلق نہیں .

یونیورسٹی آف ویٹرنری اینڈ انیمل کا دائرہ نام سے ظاہر ہے۔ یہ اس شعبے کا قدیم ادارہ ہے. اب اس نے بزنس سکول کھول لیا ہے. بی بی اے، ایم بی اے، ایم فل، پی ایچ ڈی ہورہے ہیں.این ایف سی انسٹیٹیوٹ آف انجینئرنگ اینڈ ٹیکنالوجی میں فائن آرٹس اور فیشن ڈیزائن کے شعبوں میں داخلوں کا اشتہار چھپا ہے.زرعی یونیورسٹی میں کئی غیر متعلقہ مضامین پڑھائے جارہے ہیں.یہ سب محض آمدنی بڑھانے کیلئے ہیں. اضافی شعبوں کا بالعموم کوئی معیار نہیں ہوتا. یونیورسٹیوں کے تجاوزات کچھ دوسری طرح کے بھی ہیں۔ پہلے ہر یونیورسٹی کا علاقہ مقرر ہوتا تھا.

ایک کے گریجویٹ کو دوسری سے امتحان دینے کیلئے اجازت /عدم اعتراض کا سرٹیفکیٹ لینا پڑتا تھا. اب اپنے علاقے سے باہر سب کیمپس کھولنے کی کھلی چھوٹ دے دی گئی۔بہاالدین زکریا یونیورسٹی سے الحاق کا دعویدار لاہور کا ادارہ ایک بڑا سکینڈل بن چکا ہے،اس کے برعکس.ہونا یہ چاہیے کہ سرکاری یونیورسٹیاں اپنی علاقائی حدود میں سب کیمپس کھول سکیں اور کالجوں کا الحاق کرسکیں. نجی یونیورسٹیاں بھی مخصوص علاقے تک محدود ہوں. ہو یہ رہا ہے کہ یہ ہر جگہ سب کیمپس ٹھیکے پر دے رہی ہیں. ٹھیکیداروں کو صرف بھاری فیسوں سے غرض ہے.نالائق سے نالائق کیلئے داخلہ کھلا اور مقررہ مدت کی فیسیں دے کر 100 فی صد طلباء کو پاس کردیا جاتا ہے ۔