ہوشیار خبردار… پنجاب میں دفعہ 144 نافذ، نوٹیفکیشن جاری

لاہور(کھوج نیوز) ہوشیار خبردار …… حکومت نے پنجاب پھر میں دفعہ 144 نافذ کرتے ہوئے اس کا نوٹیفکیشن بھی جاری کر دیا ہے یہ پابندی کیوں لگائی گئی تمام تر تفصیلات سامنے آگئی ہیں۔

تفصیلات کے مطابق محکمہ داخلہ پنجاب کی طرف سے پنجاب بھر میں لگائی گئی دفعہ 144 کے نوٹیفکیشن میں بتایا گیا ہے کہ پنجاب میں جلسے جلوس پر پابندی 3 روز کیلئے لگائی گئی ہے۔ نوٹیفکیشن میں کہا گیا ہے کہ پابندی کا اطلاق جمعہ 26 جولائی سے اتوار 28 جولائی تک ہوگا۔ نوٹیفکیشن میں یہ بھی بتایا گیا ہے کہ امن و امان کے قیام، انسانی جانوں،املاک کے تحفظ کیلئے پابندی لگائی گئی ہے اور پابندی کا اطلاق دہشت گردی کے خطرات پر کیا گیا، کوئی بھی عوامی اجتماع دہشت گردوں کیلئے سافٹ ٹارگٹ ہوسکتا ہے، پنجاب بھر میں انتظامیہ حکم نامے پر عملدرآمد یقینی بنائیگی۔