وزیراعظم شہباز شریف نے اسلام پولیس ملازمین کو بڑی خوشخبری سنا دی

اسلام آباد(کھوج نیوز) وزیراعظم شہباز شریف نے اسلام آباد پولیس ملازمین کو بڑی خوشخبری سنا دی ، پی ٹی آئی احتجاج کے دوران شہید ہونیوالے پولیس کانسٹیبل کے اہلخانہ سے ملاقات بھی کی۔

تفصیلات کے مطابق وزیراعظم نے پی ٹی آئی کے احتجاج کے دوران شہید ہونے والے پولیس کانسٹیبل عبد الحمید کے اہل خانہ سے بھی ملاقات کی اور احتجاج کے دوران ڈیوٹی دینے والوں کو شاباش دی۔ اس کے علاوہ وزیراعظم پولیس لائنز گئے جہاں انہوں نے اسلام آباد پولیس کی تنخواہوں میں اضافے کا اعلان کیا۔ ذرائع کا بتانا ہے کہ وزیراعظم نے شہداء پیکیج سے محروم فیمیلز کے اہل خانہ کو پیکیج دینے کی یقین دہانی کروائی اور متعلقہ حکام کو نیشنل پولیس اسپتال کی جلد تعمیر کی بھی ہدایت کی۔ وزیر داخلہ محسن نقوی، وزیر اطلاعات عطارڑ اور اسلام آباد انتظامیہ کے حکام بھی وزیراعظم کے ہمراہ تھے۔