سونا غریبوں کی پہنچ سے دور، قیمتیں تاریخ کی بلند ترین سطح پر پہنچ گئیں

کراچی (کھوج نیوز) سونا دن بدن غریب کی پہنچ سے دور ہوتا جا رہا ہے ، مسلسل تیسرے روز بھی اضافہ کے بعد سونے کی قیمتیں تاریخ کی بلند ترین سطح پر پہنچ گئی ہیں جو کہ لمحہ فکریہ ہے۔

تفصیلات کے مطابق آل پاکستان جیمز اینڈ جیولر ایسوسی ایشن نے بتایا ہے کہ ملک بھر میں سونے کی فی تولہ قیمت میں 2500 روپے کا اضافہ ہوا ہے جس کے بعد سونے کی قیمت 2 لاکھ 80 ہزار 500 روپے ہے۔ ایسوسی ایشن کے مطابق 10 گرام سونے کا بھا بھی 2 ہزار 143 روپے اضافے کے بعد 2 لاکھ 40 ہزار 483 روپے ہو گیا ہے۔