سونے کی قیمت میں اضافہ ہوا یا کمی؟ اعدادو شمار سامنے آگئے

لاہور(کھوج نیوز) ملک بھر میں سونے کی قیمت میں اضافہ ہوا یا کمی آئی؟ اس حوالے سے آل پاکستان جیمز اینڈ جیولرز ایسوسی ایشن نے تمام اعدادو شمار جاری کر دیئے ہیں۔

تفصیلات کے مطابق آل پاکستان جیمز اینڈ جیولرز ایسوسی ایشن نے بتایا کہ ملک میں سونے کی فی تولہ قیمت 800 روپے کم ہوئی ہے۔ اس کمی کے بعد آج سونے کی فی تولہ قیمت 2 لاکھ 77 ہزار روپے ہے۔10 گرام سونے کی قیمت 687 روپے کم ہوکر 2 لاکھ 37 ہزار 482 روپے ہے۔ دوسری جانب عالمی بازار میں بھی سونے کی فی اونس قیمت 8 ڈالر کم ہوکر 2 ہزار 658 ڈالر ہے۔