اندھیر نگری چوپٹ راج، لیسکو مینجمنٹ نے لاکھوں روپے کے عوض کیا کارنامہ دکھایا؟ سب حیران
لیسکو مینجمنٹ پر پیسے لیکر 12 افسران کی بحالی، بین الاقوامی کمپنی سے سامان کی خریداری اور ایک نجی ہاسنگ سوسائٹی کو غیرقانونی کنکشن دینے کا الزام ہے
لاہور(کھوج نیوز)اندھیر نگری چوپٹ راج، لیسکو مینجمنٹ نے لاکھوں روپے کے عوض کیا کارنامہ کر دکھایا؟ تفصیلات منظر عام پر آنے کے بعد سب حیران و دنگ رہ گئے ہیں۔
تفصیلات کے مطابق لیسکو مینجمنٹ پر پیسے لیکر 12 افسران کی بحالی، بین الاقوامی کمپنی سے سامان کی خریداری اور ایک نجی ہاسنگ سوسائٹی کو غیرقانونی کنکشن دینے کا الزام ہے جس پر وزیراعظم شہباز شریف نے معاملے کا نوٹس لے کر اعلی سطح کی تحقیقاتی کمیٹی تشکیل دے دی جس کا نوٹیفکیشن بھی جاری کردیا گیا۔اس کمیٹی میں سابق سیکرٹری پاورشاہد خان، موجودہ سیکریٹری انرجی، آئی بی اور لیسکو بورڈ کا ایک ایک نمائندہ شامل ہوگا۔ نوٹیفکیشن کے مطابق لیسکو معاملات میں قوانین کو نظرانداز کرنے کا الزام بھی شامل ہے، انتظامیہ نے سابق چیف ایگزیکٹو چوہدری محمد امین کی تعیناتی خلاف قانون کی گئی۔ ذرائع کا کہنا ہے کہ کمیٹی نے موجودہ لیسکو چیف، چیئرمین بورڈ اور دیگر افسران کو کل اسلام آباد بلا لیا اور کمیٹی 10 جنوری تک حتمی رپورٹ وزیراعظم کو بھجوا دے گی۔
