صوبہ پنجاب میں منشیات میں ملوث کتنے ملزمان گرفتار ہوئے؟ حیران کن تفصیلات منظر عام پرآگئیں

لاہور (کھوج نیوز ) آئی جی پنجاب کی زیر نگرانی صوبہ بھر میں پولیس کے انسداد منشیات کے خلا ف آپریشنز جاری ہیں ۔ تر جمان پنجاب پو لیس کے مطابق رواں سال صوبہ پنجاب میں منشیات فروشوں کے ٹھکانوں پر 17 سو سے زائد چھاپے مارے گئے ۔منشیات کے دھندے میں ملوث 1031 ملزمان گرفتار، 1026 مقدمات درج کیے گئے ہیں ۔

تر جمان پنجاب پو لیس کے مطابق ملزمان کے قبضہ سے 704 کلوگرام چرس، 36 کلو گرام ہیروئن ، 03 کلو افیون برآمد ہوئی ہے ۔16 کلو آئس، 15 ہزار لٹر سے زائد شراب بھی برآمد کی گئی ہے ۔نشے کی بیماری میں مبتلا 03 افراد کو بحالی کیلئے علاج گاہوں میں داخل کروایا گیا۔

صوبائی دارالحکومت لاہور میں رواں سال منشیات فروشوں کے ٹھکانوں پر 250 چھاپے مارے گئے ۔ جب کے255 ملزمان گرفتار ، 250 مقدمات درج کئے گئے ۔ ملزمان کے قبضے سے 106 کلوگرام چرس ، ایک کلو گرام ہیروئن برآمد کی گئی ۔ ایک کلوگرام افیون ، 6 کلو گرام آئس اور تقریبا 1900 لیٹرز شراب برآمد کی گئی۔

ترجمان پنجاب پولیس نے کہا کہ آئی جی پنجاب ڈاکٹر عثمان انور نے منشیات ڈیلرز و سمگلرز کے خلاف سپیشل آپریشنز میں مزید تیزی کا حکم دیا ہے ۔آئی جہ پنجاب نے پولیس کو ہدایت کرتے ہوئے کہا ہے کہ سپلائی چین میں ملوث تمام ملزمان کو قانون کی گرفت میں لا کر سخت سزائیں دی جائیں۔ آئی جی پنجاب کی ہدایت پر تعلیمی اداروں اور ہاسٹلز کے گردونواح میں انٹیلی جنس بیسڈ آپریشنز میں مزید تیزی لائی جائے۔