مریضوں کی مشکل ہوئی آسان ،ہسپتالوں میں نئی سروسز کا آغاز

شیخوپورہ(کھوج نیوز ) صو بہ پنجاب کے ضلعی ہسپتالوں میں ایم آر آئی سروسز کا آغاز کیا جا رہا ہے۔ ہسپتالوں میں آؤٹ سورسنگ ماڈل پر ایم آر آئی سروسز فراہم کرنے کا پراجیکٹ شروع کر دیا گیا ہے ۔ پنجاب کے ضلع شیخوپورہ اور بہاولنگر میں ایم آر آئی سکیننگ سروسز کاجلد آغاز ہو جائے گا۔ منتخب اضلاع میں سروس ڈلیوری بہتر بنانے کے لئے آؤٹ سورسنگ ایم آر آئی سروسز متعارف کرائی جائیں گی۔

شیخوپورہ اور بہاولنگر میں ایم آر آئی سکیننگ سروسز کیلئے ایم او یو پر دستخط کر دیا گیا ہے ۔ شیخوپورہ اور بہاولنگر میں ایم آر آئی سکیننگ سروسز پر 39کروڑ 92لاکھ روپے لاگت آئے گی۔ شیخوپورہ کے ڈسٹرکٹ ہیڈ کوارٹر ہسپتال میں ایم آر آئی کی انسٹالیشن مکمل ہو چکی ہے جبکہ بہاولنگر کے ڈسٹرکٹ ہیڈ کوارٹر ہسپتال میں ایم آر آئی مشین جلد نصب کر دی جائے گی۔

اس مو قع پر وزیر اعلی پنجاب مریم نواز کاکہنا تھا کہ آؤٹ سورسنگ ماڈل کے تحت مریضوں کو ایم آر آئی کی معیاری سہولت مہیا ہو ں گئیں، اور اس سے پیچیدہ امراض کی جلد تشخیص ممکن ہوگی۔ وزیر اعلی پنجاب کا مزید کہنا تھا کہ ہم پنجاب بھر میں صحت کی سہو لیات کو بہتر بنانے کے لیے کوشاں ہیں اور لوگ بہت جلد ان سب چیزوں کے ثمرات دیکھیں گئے۔