ایف آئی اے کی بڑی کارروائی ،بیرون ملک سے آنے والا مسافر گر فتار کیوں ہوا؟

لاہور(کھوج نیوز) ایف آئی اے امیگریشن کی لاہور ائرپورٹ پر بڑی کارروائی کرتے ہوئے جعلی دستاویزات پر بیرون ملک سے آنے والا مسافر گرفتارکر دیا گیا۔ گرفتار ملزم کی شناخت محمد عبداللہ کے نام سے ہوئی ملزم فلائٹ نمبر QR 620کے ذریعے سعودی عرب سے لاہور پہنچا تھا۔ امیگریشن کلئیرنس کے دوران مسافر کو مشکوک پایا گیا ملزم کے پاسپورٹ پر پاکستان اور پولینڈ کی انٹری اور ایگزٹ کی جعلی مہریں بھی لگی ہوئی تھیں۔ ابتدائی تفتیش کے مطابق آئی بی ایم ایس میں ملزم کا سفری ریکارڈ موجود نہیں تھا تاہم ملزم کومزید تفتیش کے لیے انسدادِ انسانی سمگلنگ سرکل لاہور منتقل کر دیا گیا۔