لاہور میں افسوسناک واقعہ، منہ بولے بیٹے نے پولیس انسپکٹر کو قتل کر دیا

لاہور(کھوج نیوز) صوبائی دارالحکومت کے علاقہ شیرا کوٹ میں افسوسناک واقعہ پیش آیا جس میں منہ بولے بیٹے نے معمولی تلخ کلامی پر اپنے باپ پولیس انسپکٹر کو گولیاں مار کر قتل کر دیا۔

تفصیلات کے مطابق پولیس نے بتایا ہے کہ واقعہ لاہور کے علاقے شیرا کوٹ میں پیش آیا جہاں ایک نوجوان نے پولیس افسرپر فائرنگ کی۔پولیس کا بتانا ہے کہ ملزم نے تلخ کلامی پر انسپکٹر سیف اللہ نیازی کو قتل کیا اور ملزم نے مقتول کے پستول سے ہی اس پر فائرنگ کی۔ پولیس نے مزید بتایا کہ قتل کرنے والے نوجوان کو انسپکٹر نے بیٹا بنایا ہوا تھا جب کہ واردات کے بعد ملزم کو گرفتار کرلیا گیا ہے۔