محکمہ ایکسائز کی بڑی کارروائی ،ٹوکن ٹیکس نہ دینے والوں کے خلاف سخت کارروائی

لاہور(کھوج نیوز )محکمہ ایکسائز اینڈ ٹیکسیشن پنجاب کے تحت صوبے بھر میں گاڑیوں کی چیکنگ کا سلسلہ جاری ہے ۔صوبے بھر میں مختلف مقامات پر ناکہ بندیاں کی گئیں۔محکمہ ایکسا ئز نے 6894 گاڑیوں کی چیکنگ کی اور ان گاڑیوں میں سے 221 غیررجسٹرڈ جبکہ 784 ٹوکن ٹیکس کی نادہندہ نکلیں۔ٹادہندگان سے ٹوکن ٹیکس کی مد میں موقع پر 1 کروڑ 12 لاکھ 33 ہزار 642 روپے وصول کیے گئے۔اس کے علاوہ 304 غیر نمونہ نمبر پلیٹ استعمال کرنے والی گاڑیوں کی نمبر پلیٹس موقع پر اتار لی گئیں۔محکمہ ایکسائز نے عوام سے بروقت ٹوکن ٹیکس ادا کرنے اور غیر نمونہ نمبر پلیٹس کے استعمال سے گریز کی اپیل ہے۔