مری میں ڈی جی فوڈ اتھارٹی کی بڑی کارروائی ،فوڈ پوائنٹس کی چیکنگ کے دوران کیا کچھ ملا ؟سیاحوں کے ہوش اڑ گئے
کریک ڈاؤن کے دوران 11فوڈ پوائنٹس کی چیکنگ کی گئی، پراسیسنگ ایریا میں ٹوٹے فرش پر گندا پانی موجود، حشرات مکھیوں کی بھرمار،کچن میں چوہے، چھپکلیاں ،کھلی نالیاں ،بدبودار ماحول پایا گیا
مری (کھوج نیوز )ڈی جی فوڈ اتھارٹی نے فوڈ سیفٹی ٹیموں کے ہمراہ مری میں کریک ڈاؤن کیا۔ کریک ڈاؤن کے دوران 11فوڈ پوائنٹس کی چیکنگ کی گئی ، 4معروف ریسٹورنٹس کو 1لاکھ 10 ہزار کے جرمانے عائد کیا گیا ۔اس کے علاوہ سات فوڈ پوائنٹس کو مزید بہتری کے لیے اصلاحی نوٹس جاری کر دیے گئے ۔اس کے علاوہ بھاری مقدار میں ناقص آئل، بدبودار دہی اور ایکسپائر کولڈ ڈرنکس کو تلف کیا گیا۔
ڈی جی فوڈ اتھارٹی کا کہنا ہے کہ سابقہ دی گئی ہدایات کی خلاف ورزی پر فوڈ پوائنٹس کو جرمانے عائد کیے گئے ۔انھوں نے کہا کہ پراسیسنگ ایریا میں ٹوٹے فرش پر گندا پانی موجود، حشرات مکھیوں کی بھرمار پائی گئی۔کچن میں چوہے، چھپکلیاں ،کھلی نالیاں ،بدبودار ماحول پایا گیا ۔ تیار اشیا پر تاریخ اجرا اور تنسیخ عدم موجود، کاؤنٹر پر بغیر ڈھانپے اشیا رکھی گئی تھی۔ ڈی جی فوڈ اتھارٹی کا کہنا تھا کہ معروف فوڈ چینز میں صفائی کے ناقص انتظامات ناقابلِ برداشت ہیں۔مقرر کردہ قوانین کے خلاف خوراک کا کاروبار کرنے والے صحت کے بڑے دشمن ہیں۔ فوڈ سیفٹی پر نو کمپرومائز پالیسی کے تحت کام کر رہے ہیں۔
