میٹروبس اور اورنج لائن کے بعد الیکٹرک ٹرین کا بھی آغاز

لاہور(کھوج نیوز) صوبائی دارالحکومت میں میٹروبس اور اورنج لائن ٹرین کے بعد اب الیکٹرک ٹرین ”سپر انانومس ریپڈٹرانزٹ” کا بھی آغاز کر دیا گیا جو شہریوں کے لئے بڑی خبر ہے۔

تفصیلات کے مطابق وزیر اعلیٰ پنجاب مریم نواز نے ایس آر ٹی میں علی ٹاؤن سے مسلم ٹاؤن تک سفر کر کے آر ٹی ایس کی پرفارمنس چیک کی۔ اس موقع پر وزیراعلی مریم نوازکا کہنا تھا ایس آر ٹی چلنے سے لاہور کی خوبصورتی دوبالا ہوگی، گوجرانوالا اور فیصل آباد میں بھی ایس آر ٹی کی خوش خبری آ رہی ہے۔ ترجمان وزیر اعلیٰ پنجاب کے مطابق ایس آر ٹی میں 3 بوگیاں لگائی گئی ہیں جن میں 320 مسافروں کی گنجائش ہے، ٹرین ایک دفعہ چارج کے بعد 40 کلو میٹر سفر کر سکتی ہے۔