سکردو (کھوج نیوز) سکردو میں انسداد پولیو مہم کے دوران قطرے پلانے سے انکار پر اسسٹنٹ کمشنر نے بچے کے والد کو بھی پولیو سے بچائو کے قطرے پلا دیئے ۔
تفصیلات کے مطابق ڈسٹرکٹ ہیلتھ آفیسر نے بتایا ہے کہ پولیو مہم کے دوران ضلع بھر میں 38 ہزاربچوں کو پولیو سے بچا کے قطرے پلائے گئے۔ جس میں مقامی لوگوں کا تعاون بہت حوصلہ افزا رہا۔ تاہم اسکردو میں ضلع گانچھے کے شہری نے اپنے 5 سالہ بیٹے کو پولیو قطرے پلانے سے انکار کردیا تھا جس پر اسسٹنٹ کمشنر نے بچے کے ساتھ ساتھ اس کے والد کو بھی پولیو کے قطرے پلا دیئے۔ ضلعی انتظامیہ کا کہنا ہے کہ والد کو پولیو سے بچا کے قطرے بے ضرر ہونے کا یقین دلانے کے لیے پلائے گئے۔
