کراچی (کھوج نیوز) سندھ حکومت نے نئے سال کے موقع پر کراچی والوں کو بڑا تحفہ دینے کا اعلان کیا ہے جس کو سننے کے بعد شہری حیران و پریشان ہو کر رہ گئے ہیں۔
تفصیلات کے مطابق شرجیل میمن نے بتایا کہ کل ہم ڈبل ڈیکر بسوں کی سروس شروع کر رہے ہیں، یہ سروس کراچی کی عوام کے لیے نئے سال کا تحفہ ہوگا، ڈبل ڈیکر بسیں ملیر سے شارع فیصل تک چلیں گی، ڈبل ڈیکر بسوں کا کرایہ پیپلزبس کے برابر ہی رکھا گیا ہے۔سندھ کے سینئر وزیر کا کہنا تھا گرین لائن اور اورنج لائن کے مسافروں کو ڈبل کرایا بھرنے کی ضرورت نہیں پڑیگی، اب ایک ہی کارڈ پر اورنج لائن اور گرین لائن سے سفر کرسکیں گے۔
شرجیل میمن نے اورنج لائن کو گرین لائن سے ملانے کے منصوبے کاافتتاح کردیا۔ اس موقع پر شرجیل میمن نے اورنگی ٹاؤن میں اورنج لائن ڈپو کا جائزہ بھی لیا۔ ان کا کہنا تھا یہ پاکستان کی پہلی بی آر ٹی ہے جس میں ایک ہی کارڈ چلے گا، اب ہم مزید کوشش کریں گے کہ روزانہ ایک لاکھ مسافر سفر کرسکیں۔ صوبائی وزیر کا کہنا تھا ان تمام پروجیکٹس میں عوام کو سہولت ملے گی، ریڈلائن میں ہمیں بہت سے مسائل کا سامنا تھا لیکن وزیراعلی نے ان تمام مسائل کا حل نکال دیا ہے، وہاں کام شروع ہوگیاہے، حکومت سندھ نے چار کلومیٹر کا اورنج لائن منصوبہ بنایا ہے، ای وی بس بھی پہنچ چکی ہیں، جس کے نئے روٹس ہوں گے۔ انہوں نے کہا کہ فی الحال تجرباتی بنیاد پر ڈبل ڈیکر بسوں کو محدود پیمانے پر چلارہے ہیں، پہلے مرحلے میں ڈبل ڈیکر بسیں ملیر سے شارع فیصل تک چلیں گی، چیف سیکرٹری سے بات ہوئی ہے ہم مزید ڈبل ڈیکر بھی بسیں چلائیں گے، ڈبل ڈیکر بسوں کا فائدہ ہے اس سے سڑکوں پر جگہ بچے گی۔
