اسلام آباد(کھوج نیوز) سال 2026ء میں کتنی سرکاری چھٹیاں ہوں گی؟ اس حوالے سے وفاقی حکومت نے نوٹیفکیشن جاری کر دیا ہے جس کی تفصیلات سامنے آنے کے بعد سب حیران رہ گئے ہیں۔
تفصیلات کے مطابق کیبنٹ ڈویژن کی جانب سے جاری نوٹیفکیشن میں بتایا گیا ہے کہ سال 2026ء میں عام تعطیلات اور اختیاری چھٹیاں 40 ہوں گی جن میں 17 عام تعطیلات اور 23 اختیاری چھٹیاں ہوں گی۔ نوٹیفکیشن کے مطابق 5 فروری 2026کو یوم کشمیر کی عام تعطیل ہوگی، 23 مارچ 2026ء کو یوم پاکستان کی عام تعطیل ہوگی، اس کے علاوہ 21، 22 اور 23 مارچ 2026 کو عیدالفطر کی 3 چھٹیاں ہوں گی۔ یکم مئی کو یوم مزدور اور 28 مئی 2026 کو یوم تکبیرکے موقع پر عام تعطیل ہوگی۔27، 28 اور 29 مئی 2026 کو عیدالاضحی کی 3 چھٹیاں ہوں گی۔
24 اور 25 جون کو نویں اور دسویں محرم کی چھٹیاں ہوں گی۔14 اگست 2026ء کو یوم آزادی کی عام تعطیل ہوگی۔ 25 اگست 2026ء کو عید میلادالنبیۖ کی عام تعطیل ہوگی۔ 9نومبر کو یوم اقبال کی چھٹی ہوگی۔ 25 دسمبر 2026ء کویوم قائداعظم کی عام تعطیل ہوگی۔ 26 دسمبر 2026ء کو مسیحی ملازمین کے لیے کرسمس کے بعد کی عام تعطیل ہوگی۔ نوٹیفکیشن کے مطابق سال2026ء کے لیے اسلامی چھٹیاں متوقع تاریخ کے حساب سے طے کی گئی ہیں اور چاند کی رویت کے حساب سے چھٹیوں کا الگ نوٹیفکیشن بھی جاری کیا جائیگا۔
