سینٹرل ایشین والی بال چیمپئن شپ، پاکستان نے ترکمانستان کو شکست دیدی

اسلام آباد(سپورٹس ڈیسک) پاکستان نے ترکمانستان کو شکست دے کر سینٹرل ایشین والی بال چیمپئن شپ جیت لی’ دونوں ٹیموں کے درمیان فائنل لیاقت جمنازیم سپورٹس کمپلیکس میں کھیلا گیا تھا۔

تفصیلات کے مطابق پاکستان نے پہلے دونوں سیٹ 21-25، 19-25 سے اپنے نام کیے، تیسرے سیٹ میں ترکمانستان نے 25-20 سے کم بیک کیا۔ پاکستان نے میچ کا چوتھا سیٹ 14-25 سے جیت کر ٹائٹل اپنے نام کرلیا۔ پاکستان 6 لگاتار میچز جیت کر چیمپئن شپ میں ناقابلِ شکست رہا۔ قومی ٹیم نے مجموعی طور پر 18 سیٹ جیتے اور 3 ہارے۔ تیسری پوزیشن کے میچ میں کرغزستان نے سریلانکا کو ایک کے مقابلے تین سیٹ سے شکست دیدی۔