ٹی ٹوئنٹی ورلڈ کپ 2024ء کی فاتح ٹیم کو کتنی انعامی رقم ملے گی؟

امریکہ (سپورٹس ڈیسک) انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ 2024ء کی فاتح ٹیم کو ملنے والی انعامی رقم کا اعلان کردیا’ جس کے بعد یہ کہا جا رہا ہے کہ یہ رقم تاریخ کی سب سے بڑی انعامی رقم ہے۔

تفصیلات کے مطابق 9 سے 12 پوزیشن کی ٹیموں کو 2 لاکھ 47 ہزار 5 سو ڈالرز اور 13 سے 20 تک کی پوزیشن کی ٹیموں کو 2 لاکھ 25 ہزار ڈالرز ملیں گے۔ سیمی فائنلز ہارنے والی ٹیموں کو 7 لاکھ 87 ہزار 5 سو ڈالرز ملیں گے جبکہ سپر 8 مرحلے سے اگلے مرحلے کے لئے کوالیفائی نہ کرنے والی4 ٹیموں کو 3 لاکھ 82 ہزار 5 سو ڈالرز ملیں گے۔ آئی سی سی کے مطابق میچ جیتنے والی ہر ٹیم کو 31 ہزار ایک سو 54 ڈالرز اضافی ملیں گے۔ ٹی ٹوئنٹی ورلڈ کپ 2024ء کی رنر اپ ٹیم کو12 لاکھ 80 ہزارڈالرز یعنی تقریبا 35 کروڑ روپے دیئے جائیں گے جبکہ فاتح ٹیم کو 24 لاکھ 50 ہزار ڈالرز یعنی تقریبا 70 کروڑ روپے ملیں گے ۔