کھیل
پاکستان کو ملبورن ٹیسٹ سے قبل ایک اور بڑا دھچکا
آسٹریلیا کے خلاف پہلے ٹیسٹ میں ڈیبیو کرنے والے قومی کرکٹ ٹیم کے فاسٹ بائولر خرم شہزاد بائیں جانب تکلیف کے باعث انجری کا شکار ہو گئے ہیں
![khuram shahzad fast bowler](https://i0.wp.com/www.khouj.com/wp-content/uploads/2023/12/khuram-shahzad-fast-bowler.jpg?resize=740%2C417&ssl=1)
پرتھ(سپورٹس ڈیسک) پاکستان کو آسٹریلیا کے خلاف کھیلے جانے والے دوسرے ٹیسٹ سے قبل ابرار احمد کے بعد ایک اور بڑا دھچکا لگ گیا ہے جس کے بعد قومی ٹیم پریشانی میں مبتلا ہوگیا۔
تفصیلات کے مطابق پاکستان کرکٹ بورڈ(پی سی بی)کی جانب سے جاری کردہ پریس ریلیز میں بتایا گیا ہے کہ خرم شہزاد نے آسٹریلیا کے خلاف پہلے ٹیسٹ کے دوران جسم کے بائیں جانب تکلیف کی شکایت کی تھی۔ ان کی شکایت کے بعد ٹیسٹ میچ کے اختتام پر انہیں ایم آر آئی سکین کے لیے بھیجا گیا۔ پی سی بی کا کہنا ہے کہ میڈیکل پینل کی طرف سے ایم آر آئی رپورٹس کا جائزہ لینے کے بعد مزید تفصیلات شیئر کی جائیں گی۔ واضح رہے کہ خرم شہزاد نے ڈیبیو میچ میں مجموعی طور پر 5 وکٹیں حاصل کی تھیں۔