پی ایس ایل کے نویں سیزن کا آفیشل ترانہ ریلیز

لاہور(کھوج نیوز) پاکستان سپر لیگ (پی ایس ایل) کے نویں سیزن کا آفیشل ترانہ ریلیز کر دیا گیا اس ترانے کو پاکستان کے معروف گلوکار علی ظفر نے گایا ہے ۔

پاکستان کرکٹ بورڈ کی جانب سے پی ایس ایل 9 کا ترانہ ”کھل کے کھیل”ریلیز کیا گیا جسے معروف گلوکار علی ظفر نے گایا ہے۔ ترانہ میں علی ظفر کیساتھ گلوکارہ آئمہ بیگ نے بھی آواز کا جادو جگایا ہے۔ خیال رہے کہ پاکستان سپر لیگ کے نویں ایڈیشن کے میچز 17 فروری سے چار شہروں کراچی، لاہور، ملتان اور راولپنڈی میں کھیلے جائیں گے۔ ایونٹ کا فائنل 18 مارچ کو کراچی کے نیشنل بینک اسٹیڈیم میں ہوگا۔