آئرلینڈ کیخلاف سیریز میں کامیابی، قومی ٹیم بابراعظم کا نیا بیان سامنے آگیا

لاہور(سپورٹس ڈیسک) قومی کرکٹ ٹیم کے کپتان بابر اعظم نے آئرلینڈ کے خلاف ٹی ٹوئنٹی میں سیریز میں کامیابی کے بعد نیا بیان داغ دیا ہے جس کے بعد کھلاڑیوں کا حوصلہ بلند ہوا ہے۔

تفصیلات کے مطابق پاکستان کرکٹ ٹیم کے کپتان بابراعظم کا کہنا تھا کہ پہلے میچ کے بعد ٹیم کی بیٹنگ میں کافی بہتری آئی، انفرادی کارکردگی میں رضوان اور فخر نمایاں رہے۔ بابر اعظم نے کہا ہے کہ لوئر آرڈر میں افتخار اور اعظم خان کی بیٹنگ خوش آئند ہے، آنے والی سیریز میں بھی آپ کو مثبت ارادے نظر آئیں گے۔

قومی کپتان کا مزید کہنا تھا کہ بولنگ میں پہلے میچ کے بعد سینئر بولرز نے ذمہ داری لی، عماد وسیم مشکل صورتحال میں بہت اچھی بولنگ کر رہے ہیں، جو بھی پلان ہے اس پر اب عمل درآمد ہو رہا ہے۔ بابر اعظم کا کہنا ہے کہ کوشش ہوگی کہ انگلینڈ کے خلاف اسی مومینٹم کو برقرار رکھیں، انگلینڈ کے خلاف اچھی کرکٹ دیکھنے کو ملے گی۔