ادھر ڈوبے ادھر نکلے،کینیڈا لیگ میں بابر، شاہین اور رضوان

کراچی(سپورٹس ڈیسک) اس بار پاکستان کے کئی اسٹارز کینیڈا کی گلوبل ٹی 20 لیگ میں حصہ لے رہے ہیں۔کپتان بابراعظم اور محمد رضوان کی خدمات وینکوور نائٹس نے حاصل کر لی ہیں۔ان دونوں کو فاسٹ بولر محمد عامر بھی اسی ٹیم میں جوائن کریں گے۔ گذشتہ سیزن میں وینکوویر نائٹس کو پلے آف میں مونٹریال ٹائیگرز کے ہاتھوں شکست ہوئی تھی جوبعد میں چیمپئن بنی تھی۔

محمد رضوان پچھلے سیزن میں بھی اسی فرنچائز کے نمائندہ تھے، انہیں ٹیم میں برقرار رکھا گیا ہے۔ شاہین شاہ آفریدی کی خدمات ٹورنٹو نیشنلز نے حاصل کی ہیں، وہاں پر آل راؤنڈر محمد نواز بھی ساتھ ہوں گے۔جی ٹی 20 کا چوتھا ایڈیشن رواں سال میں 25 جولائی سے 11 اگست تک کھیلا جائے گا۔