وہاب ریاض کاصحافی کو50 کروڑ ہرجانے کا دعویٰ‘ نوٹس بھجوا دیا

لاہور(سپورٹس ڈیسک) قومی ٹیم کے سینئر منیجر ر وہاب ریاض نے خود پر الزامات لگانے والے صحافی کو لیگل نوٹس بھیج دیا۔وہاب ریاض نے صحافی کے وی لاگ میں لگائے جانے والے الزامات پر لیگل نوٹس بھیجا ہے جس میں صحافی کے خلاف 50 کروڑ روپے ہرجانے کادعویٰ کیا گیا ہے۔اس کے علاوہ بابر اعظم نے بھی یوٹیوبرز اور سابق کھلاڑیوں کیخلاف ہتک عزت کا کیس دائر کرنے کا فیصلہ کر رکھا ہے۔

لیگل نوٹس کے متن کے مطابق الزامات لگانے پر صحافی کو 14 دن کے اندر معافی مانگنے کو کہا گیا ہے جب کہ معافی نہ مانگی جانے کی صورت میں قانونی کارروائی کا آغاز کیاجائیگا۔نوٹس کے متن میں کہا گیا ہے کہ الزامات سے وہاب ریاض کی عزت کو داغدارکرنے کی کوشش کی گئی۔ذرائع کے مطابق اس سے قبل قومی ٹیم کے کپتان بابر اعظم نے بھی ایک ارب روپے ہرجانے کادعوی دائر کررکھا ہے۔