سوریا کیا بنے’پانڈیا اور شبمن گل کے حصے میں کیا آیا؟
روہت شرما کی ریٹائر منٹ ہاردک پانڈیا اور شبمن گِل کیلئے اچھا شگون نہیں
لاہور(سپورٹس ڈیسک)بھارتی کرکٹرروہت شرما کی ریٹائرمنٹ کے بعد سوریا کمار یادیو کو بھارتی ٹی ٹوئنٹی ٹیم کا نیا کپتان مقرر کر دیا گیا۔بھارتی کرکٹ بورڈنے دورہ سری لنکا کے لیے بھارت کے ٹی ٹوئنٹی اور ون ڈے اسکواڈ کا اعلان کر دیا ہے۔ٹی ٹوئنٹی میں سوریا کمار یادیو بھارتی ٹیم کی قیادت کریں گے جبکہ شبمن گل ان کے نائب ہوں گے۔ روہت شرما ون ڈے ٹیم کی کپتانی کریں گے۔ تجربہ کار بولر جسپریت بمرا کو دورے سری لنکا پر آرام دیا گیا ہے۔
بھارتی ٹیم سری لنکا کے خلاف تین ون ڈے اور تین ٹی ٹوئنٹی میچ کھیلے گی، دونوں ٹیموں کے درمیان پہلا ٹی ٹوئنٹی 27 جولائی، دوسرا 28 جولائی اور تیسرا ٹی ٹوئنٹی میچ 30 جولائی کو کھیلا جائے گا۔دونوں ٹیموں کے درمیان ون ڈے سیریز 2 اگست سے شروع ہوگی۔ دوسرا ون ڈے 4 اور تیسرا میچ 7 اگست کو کھیلا جائے گا۔
دورہ سری لنکا کیلئے بھارت کے ٹی ٹوئنٹی اسکواڈ میں کپتان سوریا کمار یادیو ، شبمن گل، یشسوی جیسوال، رنکو سنگھ، ریان پراگ، رشبھ پنت، سنجو سیمسن ، ہاردک پانڈیا، شیوم دوبے، اکشر پٹیل، واشنگٹن سندر، روی بشنوئی ، ارشدیپ سنگھ، خلیل احمد اور محمد سراج شامل ہیں۔اوربھارتی ون ڈے اسکواڈمیں کپتان روہت شرما ، شبمن گل ، ویرات کوہلی، کے ایل راہول ، رشبھ پنت ، شریاس ائیر، شیوم دوبے، کلدیپ یادیو، محمد سراج، واشنگٹن سندر، ارشدیپ سنگھ، ریان پراگ، اکشر پٹیل، خلیل احمد اور ہرشیت رانا شامل ہیں۔
