تسمینئن اوپن سکوائس چیمپئن شپ، پاکستانی ناصر اقبال کی فائنل میں رسائی

آسٹریلیا (سپورٹس ڈیسک) آسٹریلیا میں ہونے والے تسمینئن اوپن اسکواش چیمپئن شپ میں پاکستانی کھلاڑی ناصر اقبال نے ملک کا نام روشن کرتے ہوئے فائنل میں رسائی حاصل کرلی ہے۔

تفصیلات کے مطابق آسٹریلیا میں جاری ایونٹ کے فائنل میں ناصر کا مقابلہ سوئٹزرلینڈ کے ڈیوڈ بارنیٹ سے ہوگا، یہ آسٹریلیا میں ان کا چار ٹورنامنٹس میں سے تیسرا فائنل ہے۔ پی ایس ای چیلنجز تسمینئن اوپن کی مجموعی انعامی رقم 9 ہزار ڈالرز ہے جو کہ تقریبا 25 لاکھ پاکستانی روپے بنتی ہے۔ ناصر اقبال نے اس سے قبل بینڈیگو انٹرنیشنل اور شیپرٹن اوپن ٹورنامنٹ کا ٹائٹل جیتا جبکہ وکٹوریہ اوپن کا سیمی فائنل کھیلا اور اب وہ تسمینئن اوپن کے فائنل میں پہنچ گئے ہیں۔ سیمی فائنل میں ناصر اقبال نے فرانس کے ملویل سیانیمینکو کو شکست دی۔ پاکستانی کھلاڑی کی جیت کا اسکور 4-11، 5-11 اور 5-11 رہا۔