بابر اور رضوان آئی سی سی ٹیسٹ رینکنگ میں کہاں جا پہنچے؟
ٹیسٹ پلیئرز کی رینکنگ میں انگلینڈ کے جو روٹ بدستور پہلے نمبر پر موجود ہیں
لاہور(سپورٹس ڈیسک)انٹرنیشنل کرکٹ کونسل ( آئی سی سی ) کی جانب سے جاری ٹیسٹ پلیئرز رینکنگ میں پاکستانی بیٹر بابر اعظم اور محمد رضوان کی ایک ایک درجہ ترقی ہوئی ہے۔ آئی سی سی نے ٹیسٹ پلیئرز کی رینکنگ جاری کردی،جس میں انگلینڈ کے جو روٹ بدستور پہلے نمبر پر اوت انگلینڈ کے ہیری بروک 7 درجے ترقی کے بعد 12 ویں نمبر پر آگئے ہیں ۔ سری لنکاکیخلاف سیریز کے بعد انگلینڈ کے بیٹرز کی رینکنگ میں بہتری آئی ہے ۔
رینکنگ کے مطابق پاکستان کے محمد رضوان ایک درجے ترقی کے بعد 10 ویں سے 9 ویں نمبر پر اور بابر اعظم ایک درجے ترقی کے بعد 12 ویں سے 11 ویں نمبر پر آگئے ہیں۔ رینکنگ میں سری لنکا کے کمنڈو مینڈس 6درجے ترقی کے بعد 19 ویں نمبر پرآگئے ہیں۔
ٹیسٹ بولرز کی رینکنگ میں بھارت کے روی چندرن ایشون کا پہلا نمبر ہے، بولرز کی رینکنگ میں پاکستان کے شاہین شاہ آفریدی ایک درجے ترقی کے بعد ٹاپ 10 میں آگئے ہیں۔ٹیسٹ آل رانڈرز میں بھارت کے رویندرا جڈیجا کا پہلا نمبر برقرار ہے۔
