قومی خواتین جمناسٹک چیمپیئن شپ،پاک آرمی کی کھلاڑیوں نےٹائٹل اپنےنام کرلیا

کراچی(سپورٹس ڈیسک)قومی خواتین جمناسٹک چیمپیئن شپ کراچی 2024 میں پاک آرمی کی کھلاڑیوں نے صلاحیتوں کے جوہر دکھاتے ہوئے ٹائٹل اپنے نام کرلیا۔ قومی خواتین جمناسٹک چیمپیئن شپ 3 سے 5 اکتوبر کے دوران کراچی میں منعقد ہوئی۔ قومی چیمپیئن شپ میں پاکستان بھر سے بہترین خواتین جمناسٹوں نے اپنی ناقابل یقین ایکروبیٹک اور ایتھلیٹک مہارتوں کا مظاہرہ کیا۔

بہترین جمناسٹک میں پاک آرمی کی ٹیم سے تعلق رکھنے والی مس آمنہ نے گولڈ میڈل جیتا۔ پاک آرمی کی ٹیم نے 5 سونے، 3 چاندی اور 2 کانسی کے تمغوں سمیت مجموعی طور پر چمپیئن شپ جیت لی۔ قومی جمناسٹک چیمپیئن شپ میں واپڈا، ریلوے، پولیس اور پاک آرمی سمیت 8 ٹیموں نے شرکت کی۔ ٹیموں نے مختلف مقابلوں فلور ایکسر سائز، پیلر بار، پومل ہارس، رنگز، ہائی بار، والٹ اور چینک بار میں حصہ لیا۔