چیمپئنزٹرافی :پی سی بی کو متبادل پلان پرکام کرنا ہوگا،محمد حفیظ بھارتی ٹیم کےانکارپربول پڑے

لاہور(سپورٹس ڈیسک) آئی سی سی چیمپئنز ٹرافی :پی سی بی کو متبادل پلان پر کام کرنا ہوگا،محمد حفیظ بھارتی ٹیم کے انکار پر بول پڑے ،پاکستان کرکٹ ٹیم کے سابق کپتان محمد حفیظ نے کہا ہے کہ یہ دن کا خواب تھا بھارت چیمپئنز ٹرافی کے لیے پاکستان آئے گا۔سماجی رابطے کی ویب سائٹ ایکس پر جاری کیے گئے بیان میں محمد حفیظ نے کہا ہے کہ پاکستان محفوظ ملک ہے اور ایونٹ کی میزبانی کے لیے تیار ہے۔انہوں نے کہا کہ پاکستان کرکٹ کھیلنے والے تمام ممالک کی میزبانی کر رہا ہے۔محمد حفیظ کا کہنا ہے کہ حکومت اور پی سی بی کے مضبوط اور حیران کن جواب کے منتظر ہیں۔

رپورٹ کے مطابق بی سی سی آئی کی جانب سے آئی سی سی کو آگاہ کیا جاچکا ہے کہ بھارتی ٹیم چیمپئنز ٹرافی 2025 میں شرکت کے لیے پاکستان نہیں جائیگی، اس نئی پیشرفت کے بعد آئی سی سی اور پاکستان کرکٹ بورڈ کو مبتادل پلان پرکام کرنا ہوگا اور ہائبرڈ ماڈل کے تحت پاکستان اور یو اے ای میں میچز کرانا ہوں گے۔واضح رہے کہ آئی سی سی چیمپئنز ٹرافی آئندہ سال 19 فروری سے 9 مارچ تک پاکستان میں شیڈول ہے جس میں 8 ٹیموں نے شرکت کرنا ہے۔