کیا کرسٹیانو رونالڈو اسلام قبول کرنا چاہتے ہیں؟ ساتھی فٹبالر نے حیران کن انکشاف کر دیا
رونالڈو اسلام کی تعلیمات اور سعودی عرب کی ثقافت کے بارے میں گہری دلچسپی رکھتے ہیں اور وہ واقعی اسلام قبول کرنا چاہتے ہیں: فٹبالر ولید عبداللہ
سعودی عرب (سپورٹس ڈیسک) کیا کرسٹیانو رونالڈو اسلام قبول کرنا چاہتے ہیں؟ اس حوالے سے سعودی فٹبال کلب النصر کے سابق گول کیپر اور ساتھی فٹبالر نے حیران کن انکشاف کر دیا ہے۔
تفصیلات کے مطابق سعودی فٹ بال کلب النصر کے گول کیپر ولید عبداللہ نے انکشاف کیا کہ رونالڈو اسلام کی تعلیمات اور سعودی عرب کی ثقافت کے بارے میں گہری دلچسپی رکھتے ہیں وہ واقعی اسلام قبول کرنا چاہتے ہیں، اس حوالے سے میں نے ان سے بات بھی کی اور انہوں نے اپنی دلچسپی کا اظہار کیا۔ انہوں نے مزید انکشاف کیا کہ جب بھی ٹریننگ کے دوران اذان ہوتی ہے، رونالڈو کوچ سے درخواست کرتے ہیں کہ ٹریننگ کو روک دیا جائے تاکہ ان کے ساتھی کھلاڑی نماز ادا کر سکیں۔ سعودی فٹبالر ولید عبداللہ کا کہنا تھا کہ النصر سے کھیلتے ہوئے رونالڈو گول کرنے کے بعد میدان میں سجدہ بھی کر چکے ہیں اور کھلاڑیوں کو ہمیشہ نماز پڑھنے اور اسلامی روایات کی پیروی کرنے کی ترغیب دیتے ہیں۔
