جنرل(ر)فیض حمید کے کورٹ مارشل کا اگلا مرحلہ،سابق کرکٹرشاہد آفریدی تنقید کی زد میں کیوں آگئے؟
شاہد آفریدی نے لکھا ہے کہ اس کارروائی سے موجودہ قیادت کے خود احتسابی کے بیانیے کو مزید تقویت حاصل ہو گی اور اس تاثر کو زائل کیا جا سکے گا کہ طاقت ور احتساب سے بالا تر ہے
کراچی(سپورٹس ڈیسک) پاکستان کرکٹ ٹیم کے سابق کپتان شاہد آفریدی نے سابق ڈی جی آئی ایس آئی لیفٹیننٹ جنرل (ر) فیض حمید کے خلاف کورٹ مارشل کی کارروائی کے اگلے مرحلے کا آغازہونے پر ردِعمل کا اظہارکیا ہے۔ سوشل میڈیا پلیٹ فارم ایکس پر اس حوالے سے شاہد آفریدی نے اپنے خیالات کا اظہارکیا ہے۔ تاہم شاہد آفردی کے جنرل (ر) فیض حمید کے خلاف جاری کی گئی چارج شیٹ پر انیں سوشل میڈیا پر شدید تنقید کا نشانہ بھی بنایا جاہا ہے۔ شاہد آفریدی نے اپنے ٹوئٹ میں نے لکھا ہے کہ آئی ایس پی آر کی پریس ریلیز کے مطابق لیفٹیننٹ جنرل فیض حمید کے خلاف فردِ جرم عائد کر کے فیلڈ جنرل کورٹ مارشل کی باقاعدہ کارروائی کا آغازکردیا گیا ہے۔
شاہد آفریدی نےلکھا ہےکہ اس کارروائی سے موجودہ قیادت کے خود احتسابی کے بیانیےکو مزید تقویت حاصل ہوگی اور اس تاثرکو زائل کیا جا سکےگا کہ طاقت ور احتساب سے بالا تر ہے۔ واضح رہے کہ آئی ایس پی آرکی جانب سے جاری کیے گئے بیان کے مطابق فیض حمید کے خلاف فیلڈ جنرل کورٹ مارشل کی کارروائی شروع کی گئی اور فیلڈ جنرل کورٹ مارشل کے اگلے مرحلے میں فیض حمید کو باضابطہ طور پرچارج شیٹ کیا گیا۔ لیفٹیننٹ جنرل (ر) فیض حمید کےخلاف چارجز میں سیاسی سرگرمیوں میں ملوث ہونا اور آفیشل سیکرٹ ایکٹ کی خلاف ورزیاں کرتے ہوئے ریاست کے تحفظ اور مفاد کو نقصان پہنچانا ہے۔
