بھارت کرکٹ بورڈ کا نیاسربراہ کون ہے ؟نام سامنے آگیا

نئی دہلی(سپو رٹس ڈیسک)بھارتی کرکٹ بورڈ( بی سی سی آئی )کی جانب سے جاری کیے گئے بیان میں کہا گیا ہے کہ دیواجیت سائیکیا کو بی سی سی آئی کا سیکرٹری منتخب کرلیا گیا ہے۔دیواجیت سائیکیا کی عمر55برس ہے اور یہ گزشتہ ماہ بی سی سی آئی کے سابق سربراہ جے شاہ کے چیئرمین آئی سی سی بننے کے بعد بھارتی کرکٹ بورڈ کی سربراہی کریں گے، وہ اس سے قبل بی سی سی آئی کے بورڈ میں شامل تھے اور بی سی سی آئی کے نگران سیکرٹری بھی تھے۔دیواجیت سائیکیا بھارتی کرکٹ فینز کے درمیان ایک غیر معروف شخصیت ہیں تاہم ان کے بھارتی حکمران جماعت بی جے پی کے ساتھ قریبی تعلقات ہیں۔دیواجیت سائیکیا نے بطور وکٹ کیپر بلے باز فرسٹ کلاس کرکٹ میں 4 میچز کھیلے جن میں انہوں نے میں مجموعی طور پر 53 رنز اسکور کیے۔