9سال کا سفر اختتاپذیر ،ٹیم کو خیر آباد کہہ دیا

لاہور(سپورٹس ڈیسک) پاکستان کرکٹ ٹیم کے سابق کپتان سرفراز احمد نے کوئٹہ گلیڈی ایٹرز کو خیر آباد کہہ دیا ۔سابق کپتان کا کوئٹہ گلیڈی ایٹرز کوچھوڑنے پر اظہار خیال کرتے ہوئے کہا کہ آپ کو بتانا چاہتا ہوں کہ کوئٹہ گلیڈی ایٹرز کے ساتھ 9 سال کے سفر پر بہت فخر محسوس کرتا ہوں، ٹیم کے ساتھ میرا سفر بہت ہی شاندار اور خوبصورت رہا۔

سرفراز احمد نے کہا کہ کوئٹہ گلیڈی ایٹرز کے مالک ندیم عمر کا شکریہ ادا کرنا چاہتا ہوں کہ انہوں نے اپنی ٹیم میں کھیلنے کا موقع دیا۔ بطور کھلاڑی و کپتان مجھے جس چیز کی ضرورت تھی کوئٹہ گلیڈی ایٹرز نے مہیا کی۔سرفراز احمد کا کہنا تھا کہ کوئٹہ گلیڈی ایٹرز کے ساتھ گزرے ہر لمحے کو یاد رکھوں گا، میری نیک تمنائیں ہمیشہ اپنی ٹیم کے ساتھ رہیں گی۔