دوسرے ٹیسٹ میں پاکستان کو ویسٹ انڈیز کے ہاتھوں شرمناک شکست

ملتان (سپورٹس ڈیسک)ٹیسٹ کے تیسرے روز کھیل شروع ہوا تو سعود شکیل پہلے اوور کی تیسری گیند پر 13 رنز بنا کر پویلین لوٹ گئے۔ اگلے اوور میں نائٹ واچ مین کاشف علی بولڈ ہوگئے۔محمد رضوان اور سلمان علی آغا کے درمیان ساتویں وکٹ کی شراکت میں 39 رنز جوڑے گئے تاہم 115 کے مجموعی اسکور پر سلمان علی آغا وکٹ گنوا بیٹھے۔وکٹ کیپر محمد رضوان بھی پچ پر زیادہ دیر جم کر نہ کھیل سکے اور 25 رنز بنا کر بولڈ ہوگئے۔ اسکے بعد نعمان علی 6 اور ساجد خان 7 رنز بنا کر پویلین لوٹ گئے۔

قومی ٹیم 254 رنز ہدف کے تعاقب میں 133 رنز بنا کر ڈھیر ہوگئی، بابراعظم 31 رنز بنا کر نمایاں رہے۔ویسٹ انڈیز کے اسپنر جومیل واریکن کو پلیئر آف دی میچ اور پلیئر آف دی سیریز کے ایوارڈ سے نوازا گیا۔ انہوں نے سیریز میں 85 رنز دے کر 19 وکٹیں اپنے نام کیں۔

دونوں ٹیموں کے درمیان دو میچز کی سیر یز ایک ایک سے برابر ہوگئی۔

قومی ٹیم کی شکست کے بعد کرکٹ شائقین نے قومی ٹیم کی چیمپئنز ٹرافی کے لیے کارکردگی پر بھی سوالات اٹھا دیے ہیں ،شائقین کا کہنا ہے کہ ٹیم کی کارکردگی بہت مایوس کن رہی اگر یہی کارکردگی چیمپئنز ٹرافی میں بھی رہی تو پہلے مرحلے میں ہی ہم ایونٹ سے باہر ہا جائیں گئے ۔