انگلینڈ اور پاکستان کی مایوس کن کارکردگی، برطانوی ڈپٹی ہائی کمشنر پھٹ پڑے

کراچی (سپورٹس ڈیسک) آئی سی سی چیمپئنز ٹرافی میں انگلینڈ اور پاکستان کی مایوس کن کارکردگی پر برطانوی ڈپٹی ہائی کمشنر لانس ڈوم پھٹ پڑے اور بڑا ایکشن لینے کا فیصلہ کرلیا ہے۔

تفصیلات کے مطابق برطانوی ڈپٹی کمشنر لانس ڈوم نے کہا کہ میری خواہش تھی کہ پاکستان اور انگلینڈ کے درمیان فائنل ہوتا، بدقسمتی سے میری دونوں پسندیدہ ٹیمیں پہلے ہی ٹورنامنٹ سے آؤٹ ہوگئیں۔ لانس ڈوم نے کہا کہ کراچی میں پاکستان اور نیوزی لینڈ کا میچ دیکھا تھا جو بہت انجوائے کیا، امید ہے پاکستان اور انگلینڈ کی ٹیمیں جلد اچھا کھیلیں گی، پاکستان نے شاندار انداز میں چیمپئنز ٹرافی کی میزبانی کی۔

برطانیہ کے ڈپٹی ہائی کمشنر لانس ڈوم نے کہا کہ بچپن میں وسیم اکرم کو بولنگ کرتا دیکھتا تھا، انہوں نے انگلش ٹیم کو کافی پریشان کیا، پاکستان ٹیم کے 2 میچز برے ہوئے لیکن ٹیم میں کافی ٹیلنٹ ہے۔ انہوں نے کہا کہ چیمپئنز ٹرافی جیسا ٹورنامنٹ لوگوں کو قریب لانے میں اہم کردار ادا کرتا ہے، کھیلوں کی وجہ سے لوگوں کو ایک دوسرے کو سمجھنے کا موقع ملتا ہے۔