عرفان پٹھان کو آئی پی ایل کمنٹری سے کیوں ہٹایا گیا؟وجہ سامنے آگئی
میڈیا رپورٹ کے مطابق عرفان پٹھان کو آئی پی ایل 2025 کے کمنٹری پینل میں شامل نہیں کیا گیا،اس کی وجہ عرفان کا چند کھلاڑیوں سے اختلاف کا ہونا بتایا جاتا ہے
نئی دہلی (سپورٹس ڈیسک ) میڈیا رپورٹ کے مطابق عرفان پٹھان کو آئی پی ایل 2025 کے کمنٹری پینل میں شامل نہیں کیا گیا۔ ریٹائرمنٹ کے بعد عرفان آئی پی ایل کے کمنٹری پینل کے ایک مستقل رکن رہے ہیں اور کھیل کی سب سے مشہور آوازوں میں سے ایک بن چکے ہیں۔
لیکن عرفان پٹھان ہفتہ کو کولکتہ نائٹ رائیڈرز اور رائل چیلنجرز بنگلورکے درمیان آئی پی ایل 2025 کے افتتاحی میچ کے دوران کہیں نظر نہیں آئے۔میڈیا رپورٹ کے مطابق عرفان کو کمنٹری پینل سے باہر کردیا گیا کیونکہ براڈکاسٹرز سابق بھارتی آل رانڈؤرز کی جانب سے ذاتی رنجشوں کو کمنٹری اور سوشل میڈیا پر لانے سے خوش نہیں تھے۔
رپورٹ میں بتایا گیا کہ عرفان پٹھان کا چند کھلاڑیوں کے ساتھ کچھ سال پہلے اختلاف ہوا تھا۔ تب سے وہ کمنٹری ہو یا سوشل میڈیا نام لیے بغیر ان کرکٹرز کا ذکرکرتے رہے ہیں۔ میڈیا کے مطابق عرفان پٹھان پرکھلاڑیوں پر طنز کرنے کا الزام لگایا گیا اور یہی ان کی کمنٹری پینل میں شامل نہ کرنے کی وجہ بنا۔
