کھیل
اگر میں کرکٹر نہ ہوتا تو کیا ہوتا ؟اسپنر ساجد خان نے بتا دیا
قومی ٹیم کے اسپنر ساجد خان کا کہنا ہے کہ کرکٹر نہ ہوتا میں گینگسٹر ہوتا
لاہور (سپورٹس ڈیسک)ایک نجی ٹی وی کے پروگرام میں میزبان نے قومی کرکٹر ساجد خان سے پوچھا کہ اگر آپ کرکٹر نہ ہوتے تو کیا ہوتے؟ انہوں نے کہا کہ میں گینگسٹر ہوتا۔بابر اعظم سے متعلق ساجد خان نے کہا کہ دنیا کے بہترین کھلاڑی ہیں جبکہ فخر زمان بطور اوپنر مستقل بلے باز ہیں، افتخار احمد کو ساجد خان نے چاچو کہا۔
کس بیٹر سے بچنے کی کوشش کرتے ہیں جواب میں ساجد خان نے کہا کہ کوشش ہوتی ہے کہ اسٹیو اسمتھ کو بولنگ نہ کروں۔انہوں نے ویرات کوہلی کو بھارت کا بہترین کھلاڑی قرار دیا اور شان مسعود کو اچھا انسان کہا۔
ساجد خان نے حسن علی سے متعلق کہا کہ جب بھی ٹیم سے باہر آیا ہوں، حسن علی کال کرتے ہیں اور حوصلہ بڑھاتے ہیں۔اسپنر نے مزید کہا کہ جارحانہ انداز خون میں شامل ہے لوگوں کی محبت ہے کوئی گبر تو کوئی کٹپا کہتا ہے۔
