پی سی بی کا بڑا اعلان ،نیشنل بینک اسٹیڈیم میں کیا تبدیلیاں کی جائیں گئیں؟

کراچی(سپورٹس ڈیسک) پی ایس ایل سیزن 10 کے کراچی میں میچز ختم ہوتے ہی کراچی کے نیشنل بینک اسٹیڈیم میں دوسری بڑی تعمیر نو کا آغاز ہونے والا ہے۔ ابتدائی رپورٹس کے مطابق، پاکستان کرکٹ بورڈ(پی سی بی)اسٹیڈیم کے اسٹینڈز کی مکمل نئے سرے سے ترتیب کرے گا، جس کے بعد ایک بڑے ترقیاتی منصوبے پر کام ہوگا۔ اس منصوبے کا مقصد اسٹیڈیم کی حالت کو بین الاقوامی معیار پر لانا ہے، تاکہ یہ ملکی اور غیر ملکی میچز کے لیے ایک بہتر اور پرکشش مقام بن سکے۔

یہ فیصلہ اس وقت کیا گیا جب پی ایس ایل 2025 کے دوران کراچی میں تماشائیوں کی کم تعداد سامنے آئی۔ شائقین کی بڑی تعداد نے شکایت کی کہ اسٹیڈیم کی سہولیات پرانی اور غیر آرام دہ ہیں، جس کے باعث وہ میچ دیکھنے نہیں آئے۔ پی سی بی اب ان مسائل کو حل کرنے کے لیے تیزی سے اقدامات کر رہا ہے۔

اس منصوبے کے تحت کیے جانے والے کاموں میں:
بیٹھنے کی جگہیں دوبارہ ڈیزائن کی جائیں گی تاکہ زیادہ آرام دہ، کشادہ ہوں ۔
اسٹیڈیم کا اندرونی نقشہ جدید اور خوبصورت بنایا جائے گا ۔
داخلی اور خارجی راستے بہتر کیے جائیں گے تاکہ بھیڑ اور بدنظمی سے بچا جا سکے۔
پارکنگ کے لیے خصوصی زون بنائے جائیں گے تاکہ شائقین کو میچ کے دن مشکلات کا سامنا نہ ہو

اگرچہ مکمل منصوبے کی مدت کا اعلان نہیں کیا گیا، مگر ذرائع کے مطابق کام فورا شروع ہونے والا ہے۔ شائقین اب ایک نئے اور بہتر اسٹیڈیم کے منتظر ہیں۔