محسن نقوی نے بھارت کو دھول چٹا دی
ایشین کرکٹ کونسل کا اجلاس ڈھاکا میں ہی کروانے کا امکان ، تیاری کے لیے 15 روز کا نوٹس دیا گیا ہے، اگر کوئی رکن ملک نہیں آ سکتا تو آن لائن شرکت کا آپشن بھی دیا گیا ہے
اسلام آباد(کھوج نیوز) ایشین کرکٹ کونسل کے صدر محسن نقوی نے بھارت کو دھول چٹا دی ہے کیونکہ بھارت نے سالانہ اجلاس میں اعتراضات اٹھائے تھے جس کو ردی کی ٹوکری کر دیا گیا ہے۔
تفصیلات کے مطابق ایشین کرکٹ کونسل کے ذرائع نے بتایا ہے کہ سالانہ جنرل اجلاس 24 جولائی کو ڈھاکا میں ہوگا جس کیلئے ایشین کرکٹ کونسل نے رکن ممالک کو نوٹس بھیج دیا ہے۔ایشین کرکٹ کونسل کا بتانا ہے کہ پاکستان بنگلا دیش سیریز بھی انہی دنوں ہو رہی ہوگی اور اجلاس میں رکن ممالک بھی مدعو ہوں گے۔ اے سی سی ذرائع کے مطابق عرصہ دراز کے بعد اے سی سی کی میٹنگ بنگلا دیش میں ہورہی ہے ، بھارت اور سری لنکا نے اجلاس کی وینیو اور تاریخ تبدیل کرنے کا کہا ہے، دونوں ممالک اجلاس کہیں اور کرانا چاہتے ہیں۔ تاہم ذرائع کا کہنا ہے کہ ایشین کرکٹ کونسل کا اجلاس ڈھاکا میں ہی کروانے کا امکان ہے، اجلاس کی تیاری کے لیے 15 روز کا نوٹس اسی لیے دیا گیا ہے، اگر کوئی رکن ملک نہیں آ سکتا تو آن لائن شرکت کا آپشن بھی دیا گیا ہے۔
