سری لنکا (سپورٹس ڈیسک) وویمن ورلڈ کپ کے سلسلے میں قومی وویمن کرکٹ ٹیم کی کپتان فاطمہ ثناء کی پریس کانفرنس کے دوران آئی سی سی نے بڑا فیصلہ سنا دیا جو حیران کن ہے۔
تفصیلات کے مطابق پاکستان وویمن ٹیم کی کپتان کی پریس کانفرنس شروع ہوئی توصحافیوں نے دبے الفاط میں پاک بھارت موجودہ صورتحال پر سوال کیے تاہم آئی سی سی کی میڈیا منیجر سیپواکازی نے اس حوالے سے ہدایات جاری کردیں۔فاطمہ ثنا نے کہا کہ بھارت کے خلاف میچ کیلئے اچھی تیاری کی ہے، ہماری توجہ صرف کرکٹ پر ہے اور ہم یہاں صرف کرکٹ کھیلنے آئے ہیں، بھارت کے خلاف میچ کی لیے 11 کھلاڑیوں کا انتخاب ابھی نہیں بتا سکتے۔ انہوں نے کہاکہ بنگلادیش سے شکست کے بعد پاکستان ایونٹ سے باہر نہیں ہوا، ہم کم بیک کریں گے، سب نے اچھی تیاری کی ہے۔
پاکستان ٹیم کی کپتان فاطمہ کی پریس کانفرنس میں آئی سی سی کی میڈیا منیجر سیپواکازی نے کہا کہ پریس کانفرنس میں سیاسی سوال نہ کیا جائے اور ہینڈ شیک کرنے پر بھی کوئی سوال نہیں ہوگا، صرف کرکٹ کے حوالے سے سوال کیا جائے۔ آئی سی سی کی ہدایت ملنے کے بعد پریس کانفرنس شروع ہوئی جس میں قومی کرکٹ ٹیم کی کپتان نے بھارت کے خلاف میچ کی تیاری سے آگاہ کیا۔
فاطمہ ثنا نے مزید کہا کہ کم عمر میں کپتانی سمیت کئی اعزاز ملے، ٹیم میں شامل سینئر کھلاڑی سپورٹ کرتی ہیں اور ہم سب ایک ٹیم بن کر کھیلتے ہیں۔ ایک سال کے جواب میں قومی ویمن کپتان کا کہنا تھا کہ ماضی میں ٹیموں کے ساتھ میل جول ہوتا تھا جو اچھا لگتا ہے لیکن اب پہلی ترجیح صرف کرکٹ کھیلنا ہے، انہیں اندازہ ہے کہ باہر کیا کچھ چل رہا ہے لیکن وہ اور ان کی ٹیم صرف کرکٹ پر فوکس کررہی ہے۔
