لاہور قلندرز اور پشاور زلمی کے بعد کراچی کنگز کا بھی پی ایس ایل کے ساتھ بڑا معاہدہ

لاہور(سپورٹس ڈیسک) لاہور قلندرز اور پشاور زلمی کے بعد کراچی کنگز نے بھی پاکستان سپر لیگ (پی ایس ایل) کے ساتھ بڑا معاہدہ کرلیا ہے جس کی تفصیلات سامنے آگئی ہیں۔

تفصیلات کے مطابق کراچی کنگز اور پی ایس ایل کے درمیان معاہدے کی تجدید ای اینڈ وائی مینا کی مقرر کردہ مارکیٹ ویلیو پر ہوئی۔ چیئرمین محسن نقوی نے کہا کہ کراچی کنگز نے لیگ کے وقار میں اضافے کے لیے اہم کردار ادا کیا، کراچی کنگز کی جانب سے معاہدے کی تجدید لیگ کی مضبوطی کا ثبوت ہے۔

واضح رہے کہ پی ایس ایل کے سیزن 11 سے لیگ کا فارمیٹ 8 ٹیمز کا ہوجائے گا۔ پی ایس ایل کے سی ای او سلمان نصیر نے کہا کہ اگلی دہائی میں بھی کراچی کنگز کے ساتھ کام کرنا ایک اعزاز ہوگا، کراچی کنگز 2020 کی پی ایس ایل چیمپئن تھی اور اب بھی مقبول ترین فرنچائز ہے۔