کھیل

جنوبی افریقن کپتان باووما کی ٹیسٹ کرکٹ میں نئی تاریخ رقم

گوہاٹی (سپورٹس ڈیسک) جنوبی افریقا ٹیم کے کپتان ٹیمبا باووما نے بھارت کے خلاف ٹیسٹ میچ میں جیت کر ناصرف سیریز اپنے نام کرلی ہے بلکہ ٹیسٹ کرکٹ میں ایک نئی تاریخ رقم کر دی ہے۔

انٹرنیشنل میڈیا کے مطابق بھارت کے خلاف ٹیسٹ میچ جیتنے کے ساتھ ہی جنوبی افریقا کے کپتان ٹیمبا باووما ٹیسٹ کرکٹ میں بغیر کوئی میچ ہارے سب سے زیادہ فتوحات حاصل کرنے والے کپتان بن گئے۔ باووما نے بطور کپتان 12 میچوں میں11 فتوحات حاصل کیں جبکہ ایک میچ ڈرا ہوا۔ باووما کی کپتانی میں ابھی تک کسی ٹیم نے جنوبی افریقا کو ٹیسٹ میچ میں شکست نہیں دی۔

واضح رہے کہ بدھ کو جنوبی افریقا نے گوہاٹی ٹیسٹ میں بھارت کو 408 رنز کے بھاری مارجن سے شکست دے کر سیریز میں 2-0 سے کلین سوئپ مکمل کر لیا۔ بھارت کو دوسری اننگز میں 549 رنز کا ہدف ملا، لیکن پوری بھارتی ٹیم صرف 140 رنز پر ڈھیر ہوگئی۔ یوں جنوبی افریقا نے 25 سال بعد بھارتی سر زمین پر ٹیسٹ سیریز جیتنے کا اعزاز حاصل کرلیا۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button