ممبئی (سپورٹس ڈیسک) بھارت کرکٹ بورڈ ان ایکشن، بھارتی کرکٹ ٹیم کے سابق کپتان اور جارح مزاج بیٹسمین روہت شرما کا مستقبل دائو پر لگ گیا مگر کیوں؟ تمام تر تفصیلات سامنے آگئیں۔
انٹرنیشنل میڈیا کے مطابق بی سی سی آئی کی جانب سے روہت شرما کو کہا گیا ہے کہ اپنے مستقبل کے حوالے سے ہونے والی چہ مگوئیوں پر تبصرے کے بجائے اپنی فٹنس اور پرفارمنس پر توجہ مرکوز رکھیں۔ میڈیا پر یہ خبریں بھی زیر گردش ہیں کہ جنوبی افریقا کے خلاف سیریز کے بعد بی سی سی آئی ٹیم میں روہت شرما اور ویرات کوہلی کی شمولیت کے حوالے سے فیصلے کے لیے سلیکٹرز اور ٹیم مینجمنٹ کے ساتھ مشاورت کرے گا۔
میڈیا نے بی سی سی آئی ذرائع کے حوالے سے کہا یہ بات درست ہے کہ آسٹریلیا میں کنڈیشنز مشکل تھیں لیکن دیکھا گیا کہ روہت شرما رسک لینے سے کتراتے رہے، روہت اور کوہلی سے یہ توقع کی جاتی ہے کہ دونوں اپنی بیٹنگ سے دیگر نوجوانوں بیٹرز کے لیے آسانیاں پیدا کریں۔ بی سی سی آئی ذرائع کا کہنا ہے کہ بھارتی بورڈ روہت شرما سے ان کے قدرتی جارحانہ کھیل کی توقع کرتا ہے جو کہ آسٹریلیا کے خلاف سیریز میں نہیں دیکھا گیا تھا۔
