ٹک ٹاک نے 3کروڑ سے زائد ویڈیو کیوں ڈیلیٹ کیں؟ وجہ سامنے آگئی
ڈیلیٹ کی گئی ویڈیو میں سے 99.5 فیصد ویڈیوز کو صارفین کی جانب سے رپورٹ کرنے سے پہلے ہی ڈیلیٹ کردیاگیا ہے جبکہ 97 فیصد کو 24 گھنٹوں کے اندر ڈیلیٹ کیا گیا
اسلام آباد(کھوج نیوز) دنیا بھر کی مقبول ترین سوشل میڈیا ایپ ٹک ٹاک نے 3کروڑ سے زائد ویڈیو کیوں ڈیلیٹ کیں؟ اس حوالے سے تمام تر وجوہات سامنے آنے کے بعد صارفین دنگ رہ گئے۔
تفصیلات کے مطابق رپورٹ میں بتایا گیا ہے کہ ان میں سے 99.5 فیصد ویڈیوز کو صارفین کی جانب سے رپورٹ کرنے سے پہلے ہی ڈیلیٹ کردیاگیا ہے جبکہ 97 فیصد کو 24 گھنٹوں کے اندر ڈیلیٹ کیا گیا۔ ٹک ٹاک نے کانٹینٹ کو دیکھتے ہوئے2024ء کے دوران پاکستان میں 3کروڑ 7لاکھ 9ہزار 744 سے زائد ویڈیوز کوڈیلیٹ کردیا ہے۔ سہ ماہی رپورٹ پلیٹ فارم کی کمیونٹی گائیڈ لائنز کی خلاف ورزی کرنے پر رپورٹنگ کی مدت کے دوران ڈیلیٹ کیے گئے مواد اور اکاؤنٹس میں شفافیت کا جائزہ بھی دیتی ہے۔ رپورٹ کے مطابق2024ء کی دوسری سہ ماہی میں178,827,465سے زیادہ ویڈیوز حذف کی گئیں۔ان میں سے 144,430,133 کو آٹومیشن کے ذریعے ڈیلیٹ کیا گیا ۔ ٹک ٹاک اب 98.2فیصد پر فعال تشخیص کے ساتھ صارفین کو اس کا سامنا کرنے سے قبل کانٹنٹ کوڈیلیٹ کرنے میں پہلے سے کہیں زیادہ موثر ہے۔2024 کی دوسری سہ ماہی کی رپورٹ کے بارے میں تفصیلی انسائٹس اور ٹک ٹاک کے مود کی ہدایات، ٹولز اور پالیسیوں کے بارے میں مزید معلومات کے لیے ٹک ٹاک کے ٹرانسپیرنسی سینٹر کو دیکھا جا سکتا ہے جو اردو اور انگریزی میں ہے۔
