پاکستانی اینڈ رائیڈ صارفین کے لیے خوشخبری ،گوگل کا بڑا اعلان

برطانیہ (مانیٹرنگ ڈیسک) گوگل کی جانب سے پاکستان کو ان ممالک کی فہرست میں شامل کیا گیا ہے جو جلد ہی گوگل والِٹ سپورٹ حاصل کرنے کے لیے تیار ہیں۔گوگل والِٹ ایک وسیع تر رول آٹ ہے، جس میں جیسے مصر، وینزویلا، برمودا، کمبوڈیا، ایل سلواڈور سمیت اور بہت سے دوسرے ممالک شامل ہیں۔

گوگل والِٹ پہلے گوگل پے کے نام سے جانا جاتا تھا۔ یہ ایک ڈیجیٹل والِٹ ہے جو صارفین کو اپنے اینڈ رائیڈ فونز پر ادائیگی ، لائیلٹی کارڈز، بورڈنگ پاسز، ٹکٹس اور بہت کچھ محفوظ کرنے کی اجازت دیتا ہے۔گوگل والِٹ مجاز پوائنٹ آف سیل ٹرمینلز پر کنٹیکٹ لیس ادائیگیوں کو قابل عمل اور لین دین کو تیز تر اور زیادہ آسان بناتا ہے۔ادائیگیوں کے علاوہ گوگل والِٹ مختلف ڈیجیٹل پاسز اور سرٹیفیکٹس کے انتظام کے لیے ایک محفوظ مرکز کے طور پر بھی کام کرتا ہے۔

گوگل والِٹ صارفین کو اپنے اسمارٹ فونز سے کنٹیکٹ لیس ادائیگیوں کے قابل بنائے گا، جس سے فزیکل کارڈ لے جانے کی ضرورت ختم ہو جائے گی۔ یہ نہ صرف زیادہ آسان ہے بلکہ زیادہ محفوظ بھی ہے، کیونکہ یہ لین دین کو محفوظ رکھتا ہے۔اس کے علاوہ گوگل والِٹ میں بورڈنگ پاسز اور ٹکٹس محفوظ کرنے کی صلاحیت سفر اور ایونٹ میں بروقت حاضری کو یقینی بنا سکتی ہے۔ یہ کاغذی دستاویزات کی ضرورت ختم کرتا ہے، نتیجتا صارفین چیک پوائنٹس پر اپنے ڈیجیٹل پاس کو آسانی سے اسکین کر سکتے ہیں۔