واٹس ایپ اسٹیٹس فیچر میں کون سی نئی تبدیلی کرنے جا رہا ہے؟

امریکہ (مانیٹرنگ ڈیسک) میٹا کی جانب سے واٹس ایپ کو مزید بہتر بنایا جا رہا ہے۔واٹس ایپ کے اینڈرائیڈ ڈیوائسز کے لیے نئے بیٹا (beta) ورژن میں اسٹیٹس کے لیے ایک نئے فیچر کا اضافہ کیا جا رہا ہے۔ اینڈرائیڈ ڈیوائسز کے نئے بیٹا ورژن میں ایک نیا فیچر متعارف کرایا گیا ہے جس سے صارفین میوزک کو اپنے اسٹیٹس اپ ڈیٹس کا حصہ بنا سکیں گے۔میٹا کی زیرملکیت ایپ میں اسٹیٹس اپ ڈیٹس سیکشن کا یوزر انٹرفیس تبدیل کیا جا رہا ہے۔

اب اس سیکشن میں ایک نیا میوزک آئیکون صارفین کو ڈرائنگ ایڈیٹر کے اوپر اس وقت نظر آئے گا جب ان کی جانب سے ایک اسٹیٹس واٹس ایپ میں پوسٹ کیا جائے گا۔صارفین اس آئیکون پر کلک کرکے اپنے پسندیدہ گانوں کو تلاش کرسکیں گے اور اسٹیٹس اپ ڈیٹس کا حصہ بناسکیں گے۔جب کسی گانے کو منتخب کرلیا جائے گا تو صارفین کے پاس کسی مخصوص سیکشن کو سلیکٹ کرنے کا آپشن ہوگا۔تصویر مبنی اسٹیٹس کے لیے 15 سیکنڈ دورانیے جبکہ ویڈیو کلپ کے لیے مختلف دورانیے کے میوزک کو سلیکٹ کیا جاسکے گا۔ یہ فیچر بیٹا ورژن میں متعارف کرایا گیا ہے تو ابھی یہ محدود افراد کو دستیاب ہے۔