سیاروں کی پریڈ ،6 سیارے ایک ہی قطار میں ہوں گئے
مریخ، زہرہ، زحل، مشتری، یورینس اور نیپچون آج سے ایک قطار میں نظر آئیں گے جبکہ 28 فروری تک ان میں عطارد بھی شامل ہوجائے گا
برطانیہ (مانیٹرنگ ڈیسک )ماہرین فلکیات کے مطابق مریخ، زہرہ، زحل، مشتری، یورینس اور نیپچون آج سے ایک قطار میں نظر آئیں گے جبکہ 28 فروری تک ان میں عطارد بھی شامل ہوجائے گا۔ماہرین کا کہنا ہے کہ چارسیارے، مریخ، مشتری، زحل اور زہرہ کو براہ راست آنکھ سے دیکھا جاسکے گا۔
اس عمل کے دوران سیاروں کا زیادہ قریب سے جائزہ لینے کے لیے خلائی دوربین کا استعمال کیا جاسکتا ہے۔ سیاروں کے اسطرح ایک قطار میں ہونے کو سیاروں کی پریڈ کہا جاتا ہے۔ ماہرین کا کہنا ہے کہ سیاروں کو اپنی آنکھوں سے دیکھنا ایک الگ ہی تجربہ ہے۔
ماہرین کا کہنا ہے کہ آپ گوگل پر جا کر ان تمام سیاروں کا مزید شاندار نظارہ حاصل کر سکتے ہیں لیکن جب آپ ان سیاروں کو براہ راست دیکھ رہے ہوتے ہیں تو اس کا مطلب یہ ہوتا ہے فوٹانز (روشنیوں کے ذرات) نے صرف آنکھوں کے پردوں کو چھونے کیلئے خلا سے لاکھوں یا اربوں میل کا سفر کیا ہے۔
واضح رہے کہ نایاب 7 سیاروں کی پریڈ فروری کے آخر میں شروع ہوتی ہے۔
