گوگل نے صارفین کیلئے دلچسپ فیچر متعارف کروا دیا

برطانیہ ( مانیٹرنگ ڈیسک) گوگل نے صارفین کے لئے دلچسپ فیچر متعارف کروا دیا ہے جس کے بعد گوگل صارفین کو اپنی پرائیویسی کو مزید بہتر بنانے کے لئے ایک نیا طریقہ سامنے آگیا ہے۔

انٹرنیشنل میڈیا کے مطابق گوگل نے اپنا رزلٹس اباٹ فیچر ری ڈیزائن کر دیا ہے۔ اس ٹول کے ذریعے صارفین کو گوگل سرچ میں ظاہر ہونے والی ان کی ذاتی تفصیلات پر زیادہ کنٹرول دیا گیا ہے۔ اس مقصد کے لیے ایک نیا پرو ایکٹیو مانیٹرنگ ہب تیار کیا گیا ہے جو پہلے سے دستیاب رزلٹس اباٹ یو فیچر کو زیادہ بہتر بنائے گا۔ ری ڈیزائن فیچر کے ذریعے صارفین کو اس وقت نوٹیفائی کیا جائے گا جب ان کی ذاتی تفصیلات جیسے فون نمبر اور گھر کا پتہ وغیرہ سرچ رزلٹس میں موجود ہوں گے۔ صارفین اس نوٹیفکیشن کے بعد مانیٹرنگ ہب میں تفصیلات کو سرچ سے ڈیلیٹ کرنے کی درخواست کرسکیں گے۔

اسی طرح گوگل سرچ میں بھی انہیں تفصیلات ڈیلیٹ کرنے سے متعلق آپشنز دستیاب ہوں گے جس کے لیے انہیں کسی بھی سرچ رزلٹ کے برابر میں موجود تھری ڈاٹس مینیو میں جانا ہوگا۔ صارفین کے پاس پرانے سرچ رزلٹس کو اپ ڈیٹ کرنے کا آپشن بھی ہوگا، یعنی اگر کسی پرانی ویب سائٹ کی سرچ سمری جس میں آپ کی تفصیلات موجود ہوں گی ، تو آپ انہیں ہٹانے یا ویب پیج کو اپ ڈیٹ کرنے کی درخواست کرسکیں گے۔